నాకు నేను - గురుతుగా గుది గుచ్చుకుని - గమనంగా మననం చేసుకునే - మాటలు కొన్ని - ఈ పూటకి - ఇక్కడ పంచుకుంటున్నా...
మనసుకి - బాసటగా - నమ్మకమవ్వు
మనిషికి - ఆసరావై - నిమ్మళమివ్వు
అద్దిరా! అదీ జీవించడం!
మనిషికి - ఆసరావై - నిమ్మళమివ్వు
అద్దిరా! అదీ జీవించడం!
చిరునవ్వు మొలకల కోసం - ఇవ్వగలిగినంత వదులుకో
కడ లేని నొవ్వులు ఎదురైతే - కొమ్ము కాసి అందుకో
అద్దిరా! అదీ జీవించడం!
ఉండినంత ప్రేమ ఎడద నింపుకో
అండదండవై ఎదను పెంచుకో
అద్దిరా! అదీ జీవించడం!
అక్కరుంటే అదను పట్టి - ఆశించక ఆశ తీర్చు
ఉస్సురన్న ఊహకి - ఊపిరూది ఉసురు పెంచు
అద్దిరా! అదీ జీవించడం!
లేనినాడు కూడా మనసు నిండ ఉండిపో
తలచుకున్నవారి కన్నీట తళుకువై వెలిగిపో
అద్దిరా! అదీ జీవించడం!
********
********
పైనున్న నా రాతలకి ఊతమేమోననిపించేదీ, రాయాలన్న నా పూనికకి ఊనిక ఐనదీ - ఏనాటిదో పాత పాటొకటుంది.
ఆ పాట ఎన్నేళ్ళైనా వన్నె తరగని - పాత బంగారమంటిది.
ఆ పాట విన్న కొద్దీ వినాలనిపించేది.
ఆ పాట కన్న కొద్దీ కను-ముఱుపయ్యేది.
ముందుగా ఆ పాట ఆనుపానులేంటో చెప్తా...
అనగనగా అనాడీ అని ఓ నలుపుతెలుపుల హిందీ సినిమా.
అందులో ఉంది కిసీ కీ ముస్కురాహటోం పే - హో నిసార్... అన్న ఈ పాట.
చిన్నచిన్న మాటలనే గొప్ప పాటగా పేర్చిన హిందీ-ఉర్దూ కవి శైలేంద్ర.
ఆ పేర్చిన మాటల్ని అందమైన గీతమాలగా కూర్చింది శంకర్-జైకిషన్.
ఆ కూర్చిన గీతమాలని అందుకుని అలవోకగా తన గళం నుంచి జాలువార్చింది ముఖేష్.
ఆ పాట తనని చూసే రాశారేమోనన్నట్టు - ఆ పాట తనదే అన్నట్టు - అద్భుతంగా నటించి, పాటకి తగిన నటనమాడింది రాజ్ కపూర్.
********
********
పాట గురించిన కథ పూర్తయ్యింది కదా...
పాటలో నాకు కనిపించినవీ, నాకు నచ్చినవీ చెప్పేసి, చిరకాలంగా వెలుగుతున్న ఈ పాటని పదికాలాల పాటు నా రాతలో నిలుపుకోవాలన్నదే నేనీ పూటకి పడబోతున్న పాటు.
ఇక్కడి వరకు చదివారంటే - మరి నాతో పాటు మీరు కూడా ఈ పాటని విని, చూసి - ఆనందిస్తారని అనుకోవడం పొరబాటు కాదేమో?!
********
********
చూడడానికి ఈ పాట ఎంత బావుంటుందో... ఇందులో ఎన్ని విశేషాలున్నాయో!
అవన్నీ వరసగా ఒకదాని తర్వాత ఒకటిగా - ఒక సరదా-పట్టికగా - రాసుకున్నాను.
నా ఇష్టాల పట్టిక:
దొరలా ముస్తాబు చేసుకున్న ఓ అబ్బాయి - ఇంటి గేటు ముందు వాగులా సాగుతున్న రహదారి మీదకి దూకిన - పరుగుతో మొదలవుతుంది ఈ పాట.
రోడ్డుకవతల హద్దుగా కనిపిస్తున్న పిట్టగోడ మీదుగా కనిపిస్తున్నది - అది అరేబియా సముద్రమేనేమో!
ఆ పైన గాలిదారుల ఎగురుతున్న దారాల్లేని గాలిపటాల్లా పక్షులు.
తలకిందులుగా చూస్తున్న ఆకాశానికి వింజామరలు వీస్తున్నట్టున్న చెట్లు.
ఊగుతున్న చెట్ల కొమ్మల పైన - పైపైన ఆకాశం మీద - దొంతరలుగా పరచుకున్న దూది మబ్బులు.
వాటిని తలెత్తి చూస్తూ - వాటన్నిటికీ పలకరింపుగా చెయ్యి ఊపుతూ, టోపీ సవరించుకుంటూ, పాదాలని ఉరికించుకుంటూ - ఆనందాన్ని భుజానున్న సంచీలో మోసుకెళ్తున్నట్టున రాజ్ కపూర్.
రోడ్డు మీద ముగ్గులేసిన చెట్ల నీడలు.
ఏ పొరుగునున్న పచ్చికబయలుకో మేతకని బయల్దేరి - బుద్ధిగా రెండు-మూడు వరుసల్లో తలలోంచుకుని నడుస్తున్న గొఱ్ఱెలు, వాటికి వెనకాల వాటిని వరస తప్పకుండా నడిపిస్తున్నట్టు అనుసరిస్తున్న ఓ నల్లమేక.
బ్యాండ్-బాజాతో కవాతు చేసుకుంటూ బడికి వెళ్తున్న ఆరుగురు స్కౌట్-బాయ్స్‌కి - పరుగు ఆపి - రాజ్ కపూర్ చేసే సెల్యూట్.
రోడ్డు మీద మునికాళ్ళ మీద పెళ్ళినడక నడుస్తున్న ఆకుపచ్చ గొల్లభామ మీద వేయబోయిన బూటు తొడిగిన పాదాన్ని గాలి లోనే ఆపి, కొంచెంకొంచెంగా - అంచెలంచెలుగా కిందకి వంగి - ఓ ఆకు మీద ఆ ఆకుపురుగు నెక్కించి పక్కనున్న మొక్కల మీదుగా వదిలి పదిలించిన జీవకారుణ్యం.
ఆ పై మెలికలుగా అడుగులేస్తూ సాగిన పరుగు.
(అన్నట్టు ఈ మెలికల పరుగు దగ్గర మా ఇంటికి సంబంధించిన ఓ చిన్న జ్ఞాపకం - పిల్లల చిన్నప్పటిది. వాళ్ళు బళ్ళో నేర్చుకున్న Caterpillar walk - అంటే మెలికలుగా అడుగులేసుకుంటూ నడవడం అన్నమాట - అది నాకూ నేర్పారు. పిల్ల-Caterpillar కి తోడుగా అమ్మ-Caerpillar కూడా నడవాలి కాబట్టి. ఈ పాటలో రాజ్ కపూర్ మెలిక-కాళ్ళ పరుగు చూశాక మా Caterpillar-walk ఇంకోసారి గుర్తొచ్చి చిరు-నవ్వించింది.)
పరుగులెడుతున్న రాజ్ కపూరుకి ఎదురొచ్చి గుండ్రంగా చేతులు పట్టుకు తిరిగిన ఇద్దరాడపిల్లల్లో ఒక పాప వేసుకున్న రెండు జళ్ళు, ఆ జళ్ళ చివరి రిబ్బను కుచ్చులు.
సైకిలు మీద ఎదురొచ్చిన ఇద్దరు ఈల-రాయుళ్ళు.
రోడ్డు పక్కన కూర్చుని జంగిడీలో వేయించిన వేరుశనగగుళ్ళో, వేరొకటో అమ్ముకుంటున్న అబ్బాయి తాలూకు నూనె రాసి దువ్విన నున్నటి తల.
ఆ నున్నటి తల తాలూకు అబ్బాయికి ఎదురుగుండా కూర్చుని - "నేను చెప్పే సత్యం వినూ!" అన్నట్టుగా రాజ్ కపూర్ చేతి వేలు ఊపుతూ - పాడిన నాలుగు లైన్లు
మిటే జో - ప్యార్ కే లిఏ - వో జిందగీ (ప్రేమ కోసమేదైతే త్యాగమౌనో - అదీ జీవితం!)
జలే - బహార్ కే లిఏ - వో జిందగీ (ఆమని కోసమేదైతే తపించునో - అదీ జీవితం!)
కిసీ కో హో న హో - హమే తో ఐత్‌బార్ (ఎవరికైనా ఉందో లేదో - నాకు మాత్రముంది నమ్మకం)
జీనా ... ఇసీ కా నామ్ హై! (జీవించడమంటే ఇదేననీ!)
ఆ పాట వింటూ - నవ్వుతో వెలిగిన మొహం.
ఆ నాలుగు వాక్యాలకీ - బహుమతిగా అన్నట్టు జంగిడీ- అబ్బాయి తీసిచ్చిన నాలుగైదు గింజలో, పళ్ళో - తీసుకుని - బదులుగా ఒక వందనం, నాలుగు చిందులతో అలరించిన రాజ్ కపూర్ నటన.
చేతికఱ్ఱ సాయంతో కనిపించని దారిని కనుగొంటూ నడుస్తున్న మనిషిని - ఒక సైకిలు గుద్దబోతే - చప్పున వెళ్ళి ఆ చేతికఱ్ఱ-మనిషిని ఇవతలికి లాగి భద్రంగా రోడ్డు దాటించి - తన చేతిలో ఉన్న నాలుగు గింజలూ అతనికిచ్చిన మంచితనం.
జిందా హై - హమీ సే - నామ్ ప్యార్ కా (ప్రేమ అన్నది నా వల్లే ఇంకా జీవించి ఉంది) అనిపించిన జీవితం మీద ఇష్టం.
చివరిగా - రెండు చేతులతో జీవితాన్ని ఉన్నదున్నట్టుగా అందుకుని - అందిన దానిలో ఆనందాన్ని పొంది - ఆ ఆనందాన్ని ఎదురొచ్చిన అందరితో పంచుకుందామన్నట్టు - ఆ ఉదయపు నీరెండ దారుల్లో గెంతులేసుకుంటూ వెళ్తున్న - ఆనందవిహారిలా - రాజ్ కపూర్ కనిపించే ఈ పాట చూసినప్పుడల్లా - నేను ప్రతీ ఫ్రేముని - అదే మొదటి సారన్నట్టుగా చూస్తాను. పాటలో ప్రతీ మాటనీ అదే మొదటిసారన్నట్టుగా వింటాను.
పాట విన్న ప్రతీసారీ - కొన్ని పదుల వేసవులు వెనక్కి మరలి - అక్కడెక్కడో వదిలొచ్చిన పసిదారుల్లో మసలి వస్తాను. పాటలో వినిపించే ఈలపాటని టీ-లపాటగా మార్చుకుని - టిట్టి టిట్టిడీ... టిట్టి టిట్టిడీ... టిట్టి టిట్టి టిట్టి టిట్టి టిట్టి టిట్టిడీ... అని నేనూ పాడుకుంటాను.
కొంచెం జలుబు-గొంతుతో ముఖేష్ పాడిన ఈ పాట - వినడానికి, కనడానికి - పైన చెప్పినవన్నీ కారణాలైనా - వీటన్నిటినీ మించిన ఇంకో కారణముంది.
అదేంటంటే...
పాటలో కనిపించే జంగిడీ-అబ్బాయి, కళ్ళు కనిపించని చేతికఱ్ఱ మనిషి - నాకెందుకో స్టూడియో మనుషులో, ఎక్స్‌ట్రా-ఆర్టిస్టులో అనిపించదు.
ఒకవేళ వాళ్ళు నిజజీవితపు మనుషులే అయి ఉన్నా, కాకపోయినా - ఒకవేళ చిన్నపాటి ఎక్స్‌ట్రా-ఆర్టిస్టులే అయినా - ఆ పాటలో కొన్ని క్షణాల పాటైనా రాజ్ కపూరుతో దగ్గరగా గడిపినందుకు - ఆ కొన్ని క్షణాల గురించి తర్వాత ఎన్నేళ్ళపాటు ఆనందంగా తలచుకుని, చెప్పుకుని మురిసిపోయి ఉంటారో!
"నటనే అయినా - తనకి తెలియకుండానే అలాంటి ఆనందాన్ని వాళ్ళకి దక్కేట్లు చేసుంటాడేమో రాజ్ కపూర్!" అనిపించడం - ఈ పాట నాకు నచ్చడానికి - ఇంకో కారణం కాని కారణం.
********
********
తెలుపు-నలుపు రంగుల్లో అందమైన కదిలే చిత్రపటంలా ఉండే - ఈ పాట చూడాలనుకుంటే యూట్యూబ్ లింక్ ఇదిగో ఇక్కడ: https://www.youtube.com/watch?v=69pPYkGiEAQ
కిసీ కీ ముస్కురాహటోం పే - హో నిసార్...
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
కిసీ కీ ముస్కురాహటోం పే - హో నిసార్...
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
కిసీ కీ ముస్కురాహటోం పే - హో నిసార్...
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
మానా - అప్‌నీ జేబ్ సే ఫకీర్ హై...
ఫిర్ భీ యారో - దిల్ కే హమ్ అమీర్ హై!
మానా - అప్‌నీ జేబ్ సే ఫకీర్ హై...
ఫిర్ భీ యారో - దిల్ కే హమ్ అమీర్ హై!
మిటే జో - ప్యార్ కే లిఏ - వో జిందగీ...
జలే - బహార్ కే లిఏ - వో జిందగీ...
కిసీ కో హో న హో - హమే తో ఐత్‌బార్!
జీనా ... ఇసీ కా నామ్ హై!
ఫిర్ భీ యారో - దిల్ కే హమ్ అమీర్ హై!
మిటే జో - ప్యార్ కే లిఏ - వో జిందగీ...
జలే - బహార్ కే లిఏ - వో జిందగీ...
కిసీ కో హో న హో - హమే తో ఐత్‌బార్!
జీనా ... ఇసీ కా నామ్ హై!
రిష్తా - దిల్ సే దిల్ కే - ఐత్‌బార్ కా...
జిందా హై - హమీ సే - నామ్ ప్యార్ కా!
రిష్తా - దిల్ సే దిల్ కే - ఐత్‌బార్ కా...
జిందా హై - హమీ సే - నామ్ ప్యార్ కా!
కే మర్ కే భీ - కిసీకో - యాద్ ఆయేంగే...
కిసీ కే ఆసుఓం మే - ముస్కురాయేంగే...
కహేగా - ఫూల్ హర్ కలీ సే - బార్ బార్!
జీనా ... ఇసీ కా నామ్ హై!
జిందా హై - హమీ సే - నామ్ ప్యార్ కా!
కే మర్ కే భీ - కిసీకో - యాద్ ఆయేంగే...
కిసీ కే ఆసుఓం మే - ముస్కురాయేంగే...
కహేగా - ఫూల్ హర్ కలీ సే - బార్ బార్!
జీనా ... ఇసీ కా నామ్ హై!
కిసీ కీ ముస్కురాహటోం పే - హో నిసార్...
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
కిసీ కా దర్ద్ మిల్ సకే తో - లే ఉధార్...
కిసీ కే వాస్తే హో - తేరే దిల్ మే - ప్యార్...
జీనా ... ఇసీ కా నామ్ హై!
********
********
పాట ముచ్చట ముగించే ముందు - ఒకే ఒక్క చిన్న మాట...
అక్కరున్న చోట - అడగనవసరం లేకుండా
అవసరం కనిపెట్టి - ఇచ్చినది ఎంతైనా
ఇచ్చుటలో ఉన్న ముచ్చటేంటంటే
ఇచ్చిన వారి మనసు విచ్చును
ఇచ్చిన చోట నవ్వు విచ్చును
"అద్దిరా! అదీ జీవించడం!" అనిపించును.
~ పాటల భైరవి
