అల్లిబిల్లి పాట - అచ్చతెలుగు పాట
అమ్మనుడి పాట - కమ్మనైన పాట
ఆడేపాడే పాపలు - ఆడుతు పాడుతు - ఆ-ఆలు నేర్చే పాట
పాపలూ - పాపలూ! పాటను పాడండి...
పాడుతూ... పాడుతూ... పొడుపుకథలని విప్పండి
ఓనమాల తర్వాత ఏవి వచ్చు?
పిల్లల నెవరు ప్రీతితో పెంచు?
తమ్ముడున్న బాబు ఎవరు?
చెల్లెలున్న పాపని ఏమంటాం?
సముద్రంలో లేచునట ఇది
అన్నిట్లో సగమట ఇది
పొలములో దున్నునట ఇది
ఒక కాపే కాయు చెట్టు ఇది
ఇదీ ఏదీ కానిదట ఇది
ఇక్కడా ఎక్కడా కానంటోంది ఇది
ఇన్నీ కొన్నీ కానివట ఇవి
ఎందరో ఇందరు కలిస్తే అవుతారట వీరు
బంగారానికి సింగారమైన పేరు ఇది
చెవులకి వినికిడి కూర్చునిది
అదుపులేని ఆటలాడ వచ్చునిది
ఆకలేస్తే అడుగు - అమ్మ పెట్టునిది
ఆదిశక్తి మరో పేరు ఇది
ఆవుదూడ అరుపు ఇది
క్షరము కానిది వరము భాషకిది
ఈ పొడుపు కథల జవాబులన్నిటి మొదలిది -
చెప్పుకోండి ఏంటో అది!
(జవాబులు: అఆలు, అమ్మా-నాన్నలు, అన్న, అక్క, అల, అర, అరక, అరటి, అది, అక్కడ, అన్నీ, అందరు, అపరంజి, అలికిడి, అలుపు, అన్నం, అంబ, అంబా, అక్షరం, అ)
