ఒకే తీగ పువ్వులం...
నువ్వూ నేనూ కలిసి...
మాటల మూటలు విప్పుకున్న... ఆ పూట
నవ్వుల మువ్వలేరుకున్న... ఆ పూట
జంటగా కలిసి విన్నాము... ఆ పాట
ఆ పూటకి...
ఈ దాపుల ఆ పాట ఉంది...
అదే రాగం దవ్వుల!
నిన్నే నేను తలచి...
మాటల సవ్వడి తరచి తరచి .. ఈ పూట
నవ్వులు పువ్వులలో వెతికి వెతికి... ఈ పూట
నేనొంటినై వింటున్నాను... అదే పాట
ఈ పూటకి...
ఆ దవ్వుల నువ్వున్నావన్న మాట ఉంది...
ఆ పూటకీ... ఈ పూటకీ...
పాట విన్న గురుతుంది
విన్న పాటలో - నీ గురుతుంది
సన్న నవ్వులా - నీ గురుతుంది
తియ్య నొవ్వులా - నీ గురుతుంది
ఆ పూటకి...
ఈ దాపుల ఆ పాట ఉంది...
ఈ పూటకి...
ఆ దవ్వుల నువ్వున్నావన్న మాట ఉంది...
******* ******* *******
******* ******* *******
ఆ నేల నొదిలి మబ్బులతో "నువ్వా-నేనా" అని పందెమేసుకుని ఈవలకి వలసొచ్చేసిన రోజుల ముందు మాటలివి. అప్పుడు విన్న పాటలవి.
నెమరుకి మాత్రమే మిగిలిన మాటలవి.
చిన్నప్పటి కథల పుస్తకాల్లో, ఆ తర్వాత హెడ్డు పైకొచ్చినప్పటి నవలల్లో suspense భరించలేక - అది సుఖాంతమని తెలిసినా సరే! - చదివే ప్రతి పుస్తకాన్నీ - ముందు వెనక పేజీతో మొదలెట్టి, వెనక్కి వెనక్కి - కింద నుంచి పైకి ఓ నాలుగు పేజీలు చదివి - ఆ తర్వాత మాత్రమే మొదటి పేజీకి వచ్చే నేను - ఒక్క పాటల విషయంలో మాత్రం రేడియోని ఇష్టపడతాను.
వింటూ-వింటూ ఉన్న పాట తర్వాత ఏ పాట వస్తుందో తెలియకుండా ఊరిస్తూ వివిధభారతి - జనరంజని వారు పాటలు వేస్తూ ఉంటే, ముందొచ్చే మ్యూజిక్ బట్టి ఏ పాట వస్తుందో నేనూహిస్తూ మురిసిపోయేదాన్ని.
ఎనిమిదో తరగతి చదివే రోజుల్లో మొట్టమొదటగా మా ఇంటికి "ప్లే బటన్ నొక్కా - పాడవే, పాటలభైరవీ!" అనగానే పాడేసే పాటలపెట్టొకటి పట్టుకొచ్చారు నాన్న. దాంతో పాటే ఓ అరడజనుకి ఒకటి ఎక్కువగా కేసెట్లు - లవకుశ పాటలూ, పద్యాలూ - బాలకృష్ణప్రసాద్ పాడిన అన్నమాచార్య కీర్తనల దేశికవితాగానం - అప్పుచేసి పప్పుకూడు సినిమా - తెనాలి రామకృష్ణ సినిమా - నర్తనశాల సినిమా - కిశోర్ కుమార్ హిందీ పాటలు - ఇంగ్లీష్ పాటల Boney-M పాటలు - కూడా తెచ్చారు.
ఇంకేముంది ... కోతికి దొరికిన కొబ్బరికాయే అయింది మా చేతికి చిక్కిన ఆ టూ-ఇన్-వన్.
అది మొదలు... లేరు కుశలవుల సాటి అంటూ మొదలెట్టి, జగడపు చనవుల జాజర అని అన్నమాచార్యని స్మరించి, కాశీకి పోయాను రామాహరీ అంటూ రేలంగితో రాగాలు తీసి, మేక తోకకు మేక... అని వికటకవితో నవ్వుకుని, ఏనుంగు నెక్కి పెక్కేనుంగు లిరుగడ రా ... అని ఠీవిగా పాడే ఎన్టీఆరార్జునుడితో గొంతు కలిపి, క్యా యహీ ప్యార్ హై? అని పాడే నిషా-కళ్ళ సంజయ్ దత్తునూ అదే ప్రశ్న అడిగేసి, La La Rasputin... Lover of the Russsian Queen అని hum చేస్తూ, దాంతో పాటే Brown girl in the ring - Tra la la la la - అని గెంతులేస్తూ - ఏ పాటనీ వదలకుండా అన్నిటినీ పాటుపడి పాడుతూ, పాడుతున్నామని మేమనుకున్నా "ఏంటీ...ఇది నేనేనా" అని మేము పాడుతున్న పాటే వాపోయేలా పాడుచేస్తూ - దొర్లుతున్న మువ్వల్లా గలగల్లాడుతున్న రోజులవి.
అప్పట్నుంచి ఆ టేప్-రికార్డర్లో ఎన్ని పాటలు విన్నామో లెక్కలేదు. అప్పుడే హిందీ-పాప్ పాటల రుచి కూడా తెలిసింది. రూనా లైలా, ఉషా ఉతుప్, నాజియా హసన్ లతో మొదలుపెట్టి హసన్ జహంగీర్ హవా-హవా పాటకు ఊగి , ఆలీషా మడోన్నా పాటల తూగుతూ ఉండగా విద్యార్థి దశ దాటి, అర్థాంగి స్టేటస్ వచ్చింది.
అప్పుడింక ...
టూ-ఇన్-వన్ పోయి, టీవీ వచ్చె ఢాం - ఢాం - ఢాం !
కేసేట్టు పాటలు పోయి, MTV డాన్సులు వచ్చె ఢాం - ఢాం - ఢాం !
అప్పుడు... ఉన్న ఊరిని, కన్నవారిని వదిలి, చదువు చేతబట్టి కొలువు వెతుక్కుంటూ వలస రావాల్సి వచ్చిన రోజుల్లో... ఇంకొన్ని రోజుల్లోఊరు విడచి, వాడ విడచి దూరదేశమేగబోయే తరుణంలో కొన్నాళ్ళు కాకినాడలో అమ్మా వాళ్ళ దగ్గర ఉన్నాను. అప్పుడు విన్నాను ఈ కమాల్ కా గానా... కమాల్ ఖాన్ కా గానా ... కమాల్ ఖాన్ కా కమాల్ కా గానా!
కాకపోతే - అంతటి కమాల్ కా గానా కూడా కాలప్రవాహంలో జ్ఞాపకాల వెనకాల column లోకి జారిపోయింది. ఎప్పట్నుంచో ఆ గానా ననననానా నానాన నానాన... గానే నాలుక మీద నానుతోంది కానీ అసలు పాట గుర్తు రాదే! కిందటి వారం ఈ పాటని ఎలా అయినా పట్టాల్సిందే అని కూర్చుని 90's Hindi pop songs అని వెతకడం మొదలుపెట్టి యూట్యూబ్లో ఓ ముప్పై వీడియోలు చూశాక దొరికింది పాట.
అప్పట్లో ఈ పాట వినీ వినగానే నచ్చేసిన పాటల్లో ఒకటి. అలాంటివి చాలానే వున్నాయి. ఇది కూడా ఆ చాలా నచ్చిన పాటల్లో చోటుచ్చుకున్న పాట. పాటంతా మామూలుగానే వినిపిస్తున్నా అక్కడక్కడా అరబిక్ పాటల్లా ఒణుకులూ, వయ్యారాలూ ఉంటాయి.
అందులోనూ మొదటిసారి ఈ పాట టీవీలో చూసినప్పుడు - గోదాట్లో వెళ్ళే గూడుపడవంత పొడుగున్న ఓ నల్ల కార్లోంచి ఎఱ్ఱ గౌను వేసుకుని, ఎఱ్ఱని స్కార్ఫు కట్టుకుని, ఎఱ్ఱెఱ్ఱని గ్లవ్సు తొడుక్కుని ఓ అమ్మాయి దిగి, కమాల్ ఖాన్ ఆడుతూ పాడిన పాట వినేసి, ఓ నవ్వు నవ్వేసి, సీవెండి పెట్టెలు మోస్తున్న కుఱ్ఱాళ్లతో కలిసి హెలికాఫ్టర్ ఎక్కేసి - చెక్కేయడం - తమాషాగా అనిపించింది. అప్పటిదాకా సినిమా కథ మధ్యలో వచ్చే పాటలు తప్ప, ఇలా పాటలోనే ఒక చిన్నపాటి కథ చెప్పే పాటలెప్పుడూ వినలేదు - చూడలేదేమో నేను... ఆ కొత్త concept నచ్చింది.
ఇంకా చెప్పాలంటే సునో తో ... దివానా దిల్ కెహ్తా హై అంటూ తెలిసీ-తెలియకుండా ఉండే ఒక చిన్న tremolo తో కమాల్ ఖాన్ పాడిన ఈ పాట వింటుంటే నాకు ఎస్పీబీ పాడిన అల్లిబిల్లి అమ్మాయి - అందచందాలున్నాయి (రాజాధిరాజు సినిమా) పాటలో నాజుకులు దాచేసినా... నే దోచగా రానా?? నా... అన్న లైను గుర్తొస్తుంది ఎప్పుడూ. అందుకే కమాల్ ఖాన్ పాడిన ఈ పాట నాకు అంతగా నచ్చేసింది.
మరి అంతగా నచ్చిన పాటని అలా వదిలేస్తే ఎలా?
అందుకే... పట్టుకొచ్చి నా బ్లాగున అట్టేపెట్టుకుందామనుకున్నా...
అట్టే, అనుకున్నట్టే ఈ పట్టున రాసిపెట్టుకున్నా...
యూట్యూబెక్కిన పాటని - చిక్కించుకుని చూపెట్టుకున్నా...
నననననానా నానా నానానా నానా నానాన
సునో తో ... దివానా దిల్ కెహ్తా హై ... హమ్ సే మిల్ జానా...
సునో తో ... దివానా దిల్ కెహ్తా హై ... హమ్ సే మిల్ జానా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
నాజుక్ యే దిల్ హై మేరా - ఆషిక్ యే దిల్ హై తేరా...
సునో తో ... దివానా దిల్ కెహ్తా హై ... హమ్ సే మిల్ జానా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
బడీ హీ ముష్కిల్ సే మిల్తే హై, యార్! హమ్ జైసే యార్ సున్ లే...
బడీ హీ ముష్కిల్ సే మిల్తే హై, యార్! హమ్ జైసే యార్ సున్ లే...
మేరే దిల్ మే హై ప్యార్ హీ ప్యార్ - ప్యార్ కే ఫూల్, యార్! చున్ లే...
బడీ హీ ముష్కిల్ సే మిల్తే హై, యార్! హమ్ జైసే యార్ సున్ లే...
మేరే దిల్ మే హై ప్యార్ హీ ప్యార్ - ప్యార్ కే ఫూల్, యార్! చున్ లే...
మేరే దిల్ మే హై ప్యార్ హీ ప్యార్ - ప్యార్ కే ఫూల్, యార్! చున్ లే...
బడీ హీ ముష్కిల్ సే మిల్తే హై, యార్! హమ్ జైసే యార్ సున్ లే...
మేరే దిల్ మే హై ప్యార్ హీ ప్యార్ - ప్యార్ కే ఫూల్, యార్! చున్ లే...
దిల్ మే జో ఛుపా హై - జుబాన్ పే వో లే ఆనా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
ప్యార్ కీ మంజిల్ మిల్ జాయేగీ, యార్! బాహోం మే ఆ మేరీ...
ప్యార్ కీ మంజిల్ మిల్ జాయేగీ, యార్! బాహోం మే ఆ మేరీ...
ప్యార్ కీ మంజిల్ మిల్ జాయేగీ, యార్! బాహోం మే ఆ మేరీ...
ఖడా హూ కబ్సే మై దిల్ లేకే, యార్! రాహోం మే ఆ మేరీ...
ఖడా హూ కబ్సే మై దిల్ లేకే, యార్! రాహోం మే ఆ మేరీ...
ప్యార్ కీ మంజిల్ మిల్ జాయేగీ, యార్! బాహోం మే ఆ మేరీ...
ఖడా హూ కబ్సే మై దిల్ లేకే, యార్! రాహోం మే ఆ మేరీ...
అబ్ తో, మేరీ జాన్! దిల్ మేరా లే-లే నజరానా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
నాజుక్ యే దిల్ హై మేరా - ఆషిక్ యే దిల్ హై తేరా...
ఖడా హూ కబ్సే మై దిల్ లేకే, యార్! రాహోం మే ఆ మేరీ...
అబ్ తో, మేరీ జాన్! దిల్ మేరా లే-లే నజరానా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
నాజుక్ యే దిల్ హై మేరా - ఆషిక్ యే దిల్ హై తేరా...
సునో తో ... దివానా దిల్ కెహ్తా హై ... హమ్ సే మిల్ జానా...
కభీ-న-కభీ తో ... తూ భీ మిల్కే ... హమ్ సే ఖిల్ జానా...
ననన నానానా నాననా నానాన...
కభీ-న-కభీ... నాననా నానాన...
సునో తో - దివానా... నాననా నానాన...
ననన నానానా నాననా నానాన...
******* ******* *******
******* ******* *******
ఈ పాట విన్న ఆ తొలి రోజులు - మరలి రాని అపురూప క్షణాలు - వాటిని పాటలోనే వెతుక్కుంటూ...
~ పాటల భైరవి.
కామెంట్లు లేవు:
కామెంట్ను పోస్ట్ చేయండి