భజన పాటలు - దశావతారములు

అనాతవరంలో నా చిన్నతనంలో విన్న భజనపాటలు మా నాన్నగారు వ్రాసి పంపించగా వాటిని ఇక్కడ బ్లాగస్థం చేస్తున్నాను. అందులో మొదటగా "దశావతారములు" ఇక్కడ...

రామా! నీ మహిమలెన్నా  తరమా బ్రహ్మాదులకైనను 
రామా! నీ మహిమలెన్నా  తరమా సనకాదులకైనను ||రామా||


వచ్చి వారధిని జొచ్చి సోమకుని 
హెచ్చు శరంబుల గ్రుచ్చి నుతుల గొని
ఇచ్ఛతొ వేగమె తెచ్చి విధాతకు 
హెచ్చరికతో నీవు ఇచ్చి ఏలితివి 
మత్స్యావతారా! జయ మత్స్యావతారా!  ||రామా||

సురలు శరణుయని సొంపుతొ వేడగ
కరుణతొ మందర గిరి  పృష్టమునను
గురుతుగ నిడుకొని పరదేవతలను
నిరుపమానముగ నీవు బ్రోచితివి
కూర్మావతారా! జయ కూర్మావతారా!   ||రామా||

మనమున లేశము కరుణ లేకయా
కనకాక్షుడు భువి కలయ జుట్టగను
సనకసనందన మునులు వేడగను
దనుజుని చుట్టియు ధర ఏలితివౌ 
వరాహావతారా! జయ వరాహావతారా!   ||రామా||

పరి పరి విధముల ప్రహ్లాదుడు నిను
హరి హరి యనచును మొరలిడగా విని
ఫెళ ఫెళమనచును స్తంభము వెడలి
కరమున హిరణ్య కశ్యపు వక్షమున 

వరనఖములచే వ్రక్కలు చేసిన

సింహావతారా! నరసింహావతారా!   ||రామా||

ముదముతో మూడడుగుల దానము 

సదయుడవని సంతుష్టిగ నొసగిన

వదలక దైత్యుని వడివేగంబున

పదములనణచిన  పరాక్రముడవౌ

వామనావతారా! జయ వామనావతారా!  ||రామా||

కరుణలేక నీవు కడు శౌర్యముతో 

వరాయుధంబున వసుధాస్థలిపై 

ఇరువదియున్నొక్కమారు భూపతుల 

శిరములు కూలగ శరముల వేసిన 

రామావతారా! పరశురామావతారా!  ||రామా||

దేవర బ్రహ్మేంద్రాదులు బెబ్బున

కావుమనగ కౌసల్య పుత్ర యా 

రావణాద్యఖిల రాక్షస సంహర 

ణీవె యొనర్ప విభీషణు  బ్రోచిన 

మాటిమాటికిని మారుతినేలిన

రామావతారా! శ్రీ రామావతారా  ||రామా||

కన్నెల చీరలు అన్నియు దొంగిలి 

చెన్ను మీరగను పొన్న గున్నపై

వెన్నదొంగ యా చిన్ని కృష్ణునకు 

అన్నవు గదరా ఎన్నిక హలధర 

రామావతారా! బలరామావతారా  ||రామా||

హద్దు మీరకను హరి నీ సేవయు 

ఒద్దిక తోడను వెదకి సేయ - పరి

శుద్ధ జనుల నివు సూటిగ కనుగొని

పరిశుద్ధ జనుల నీవు సూటిగ కనుగొని

సద్దు సేయకను సరగున బ్రోచిన

బౌద్ధావతారా! జయ బౌద్ధావతారా!  ||రామా||

ఇల సుజనుల నివు ఇంపుతొ గనుగొని 

ఖలులను కనుగొని ఖండించుటకును 

జలజనయన యీ కలియుగాంతమున

కలికి మూర్తివై కలిగెదవౌర 

కలికావతారా! జయ కలికావతారా!  ||రామా||

వాసిగ ఇరగవరాధీశుడవై  

కేశవ నీ కృప లేశము మరువక 

భాసురముగ కోసూరి రాఘవ 

దాసుని హృదయ నివాసుడవైతివి

దశావతారా! జయ జయ దశావతారా!  ||రామా||