మనసే జతగా పాడిందిలే - 24 - కవలపాటలు - తమిళ తరుణ చంద్రుడు... తెలుగు నెలరాజై పరుగిడె... హిందీ నీలి నీలి ఆకాశం మీద...

ఏ వలపు మెదిలి

ఏ తలపు కదిలి 

ఎవరు కట్టినదో 

పాట ఒకటి... 

ఎక్కణ్ణుంచో - తేలి వస్తుంది 

తేలి వచ్చిన ఆ పాట... 

ఎప్పట్లాగే - చెవికి సోకుతుంది 

చెవికి సోకిన ఆ పాట...  

ఎందుకో మరి - ఎదకు సొక్కనంటుంది 

చెవికి సోకి, ఎదకు సొక్కని ఆ పాటని 

ఎదను చేరుకుంది కదా అని ఓ మారు పలకరిస్తా... 

వదులుకోక - మర్యాదకు మది మాటున ఓ పక్కనుండమంటా... 

అలాగేనని అలా ఉండిపోతే అది పాటెందుకౌతుంది?!

అమ్మ కనురెప్పల కదలికకే  దోబూచులాడే పాపాయిలా 

మోవి మోగినప్పుడల్లా మురిసి మూగుతానంటుంది 

మనసు లేదు నువ్వంటే - 

మోయలేను నిన్నంటే- 

కినిసి మూగబోతుంది 

ఉలుకూపలుకూ లేక ఉస్సురంటుంది 

అలా అని వదిలిపోతే అది పాటెందుకౌతుంది?!

పెదవి కదిలిన ప్రతి పూటా 

పదేపదే పలకరిస్తుంది 

విదిలించిన కొద్దీ వెంటపడి వస్తుంది 

నేనూ నీ పాటనే కాదా?

ఏదో ఒక పూట నన్నోమారు తలుచుకోవా? - అంటుంది 

అంటూ అంటూ - నా వెంటే ఉంటూ 

పాటగా నాతో మాటలాడుతూ 

మాటలో తానే పాటలూరుతూ 

నా రాతల్లో చేరిపోతుంది 

ఎదకు సొక్కని ఓ నాటి ఆ పాట 

మదిని చుట్టి చుట్టమౌతుంది 

నా పాటగా మారి మోగుతుంటుంది 

*******

*******

    ఒక హిందీ పాట - చిన్నప్పట్నుంచి - ఎన్నిసార్లు విన్నా - విన్నవి పల్లవిలో మొదటి రెండు వాక్యాలు మాత్రమే. ఆ పాట పాడిన కిషోర్ కుమార్ పాడిన పాటలు - ఎన్నో - ఎంతో - ఇష్టమైనా - ఆ ఒక్క పాట మాత్రం ఎందుకో వినాలనిపించేది కాదు. 

   కురిసేది సముద్ర తీరపు మున్నీటి వాన అయినా, అదే ఆజ్యంగా మనసులో వలపు మంటని రేపిన మేఘాన్ని - గట్టిగా గదిమితే - అలిగి - కురవకుండా తేలిపోతుందేమో అన్నట్టు - మెత్తని గొంతుతో - "రిమ్ ఝిమ్ గిరే సావన్ .... సులగ్ సులగ్ జాయే మన్... భీగీ ఆజ్ ఇస్ మౌసమ్ మే - లగీ కైసీ యే అగన్? - అని అడుగుతున్నట్లు ఎంత బాగా పాడాడు కిషోర్ కుమార్ - కదా!

    మరి అదే కిషోర్ కుమార్ పాడిన పాటే ఇది... కలాకార్ సినిమాలో "నీలే నీలే అంబర్ పర్..." - నాకెందుకో నచ్చేది కాదు. పల్లవి. చిన్నప్పుడు రేడియోలో విన్నప్పుడు, ఇప్పుడిప్పుడు దేశీ-రేడియోలో - క్రితం వారం దాకా కూడా - ఈ పాట ఎప్పుడు వచ్చినా మొదలయీ అవకుండానే ఆపేసేదాన్ని. ఎందుకో అస్సలు వినాలనిపించేదే కాదు. 

     మరి అంత వినాలనిపించని పాట ఇప్పుడెందుకు వినాలనుకున్నానంటే - కిందటి ఏడాది సెప్టెంబర్ 26వ తారీఖున - బదరి ఫ్రెండ్ గిరిరాజ్ నాకొక రెండు పాటలు పంపించి వాటి గురించి నావైన మాటలు రాయమన్నారు. అందులో ఒకటి "నీలే నీలే అంబర్ పర్...". నేను ఏ పాటనైతే వినకూడదని అనుకున్నానో ఆ పాట గురించి రాయమని ఒక స్నేహపూరిత విన్నపం. 

    అప్పట్నుంచి ఎన్నిసార్లు ఈ పాట విన్నానో! ఎన్నిసార్లు యూట్యూబులో చూశానో! చూసిన కొద్దీ అస్సలీ పాట చూడకూడదు, వినకూడదు అన్న పంతం. 

    పాట విన్న ప్రతీసారీ అదేదో running commentary లాగా "ఈ పాట ఇంతకు ముందు విన్నప్పుడల్లా అమితాభ్ బచ్చన్‌ది ఏమో అనుకున్నాను. కనీసం అలా అయినా బావుండును. తీరా చూస్తే ఇది కుణాల్ గోస్వామి పాట. పైగా పక్కనే ఆ "యే జో హై జిందగీ" లో వేసిన రాకేష్ బేడీ ఎందుకలా కడుపు పట్టుకుని పొర్లుతున్నాడో?!" అని నా విసుగు-వ్యాఖ్యానం. 

    అది వినగానే "కుణాల్ గోస్వామి ఎవరు? అతని వివరాలేంటి?" అంటూ బదరి యథాలాప-ప్రశ్న. 

    ఆ ప్రశ్న వినగానే "ఎవరా? ఆ మనోజ్ కుమార్ ఉండేవాడు కదా... ఆయన కొడుకు" అంటూ నా బదులు. 

    "మరి మనోజ్ కుమార్ కొడుకు గోస్వామి ఎలా అయ్యాడు?" ప్రశ్న మీద ప్రశ్న సంధించు బదరి. 

    "అబ్బా! నన్ను అంటారు కానీ ప్రశ్నావళి అని, మీరడిగినన్ని ప్రశ్నలు నేను కూడా అడగను. హిందీలో అంతే - అయితే కపూర్, కాకపొతే కుమార్ అన్నట్టుండేది ఒకప్పుడు. అసలు పేర్లు ఉంచుకోవాలంటే కపూర్ అయ్యుండాలి, అరువు పేరు పెట్టుకోవాలంటే జాతిమతకులభేదాలు లేకుండా అందరూ కుమార్లే - దిలీప్ కుమార్, సంజీవ్ కుమార్, రాజ్ కుమార్, రాజేంద్ర కుమార్, ఉత్తమ్ కుమార్, ప్రదీప్ కుమార్ - అదే వరసలో మనోజ్ కుమార్. ఆయన అసలు ఇంటి పేరు గోస్వామి అయ్యుంటుంది. అందుకే కుమార్ కొడుకు గోస్వామి అయ్యాడు" ఒకటడిగితే వంద చెప్పే నా జవాబు. 

    "ఆహా!" అని ఆపేశారు బదరి. మా ఇంకో భాషలో "ఆహ!" అంటే "ఆపు హరికథ!" అని. కానీ అల్లాంటి నా భాషణా-నిరోధ-భాషలూ, భాషణలూ, సంభాషణలూ పట్టించుకునే అలవాటు లేకపోవడం వల్ల - నా కుణాల-విచారం కొనసాగించా. 

    "ఈ కునాల్ గోస్వామి-కే-పితా మనోజ్ కుమార్ నవ్వగా ఎప్పుడూ చూడలేదు. నవ్వట్లేదని నచ్చేవాడు కాదు నాకు. పైగా ఈ పాట సమయం, సందర్భం ప్రకారం - చల్లటి ౘందమామ-కాలం, వెన్నెల-వెలుగు సమయం. పిల్లా-పాపా, పువ్వూ-మొగ్గా హాయిగా జోలలూగే సమయం. అలాంటప్పుడు పాడే పాట ఎలా ఉండాలి? 

    అక్కడక్కడా బొద్దుగా కుదురుకుని, అటూఇటూ మెల్లగా దొర్లే దూదిమబ్బులని బుజ్జగించి, బ్రతిమాలి ఒకచోటికి తెచ్చుకుని వాటి మధ్యలో గాలిపాట వింటూ పడుకునేలా ఉండాలి కానీ ఆ మబ్బులన్నిటినీ పాట పుచ్చుక్కొట్టి పారిపోయేలా చెయ్యకూడదు. 

    ఈ గోస్వామేమో అవసరమైన దాని కన్నా నోరు కదిపేసి హడావిడి చేసేస్తున్నాడు. ఆ కిషోర్ కుమార్ కూడా మరీ అరుస్తున్నట్టు పాడుతున్నాడు. నాకు నచ్చలేదు ఈ పాట" అని తెగ గొడవ చేస్తూనే ఉన్నాను. 

    ఇంత మాట్లాడుతున్నానే కానీ -  ఎక్కడో ఒక పక్క నుంచి నన్ను ఆ పాట "నువ్వోసారి మాటలాపి - చెవులప్పగించి నన్నొక్కసారి వినూ - సరిగ్గా" అని పిలుస్తున్నట్టే ఉంది. 

    జీవితంలో వద్దనుకున్నది ఏదో ఒక సందర్భంలో చెయ్యాల్సొస్తుందని - అలా నన్ను నేనే కాదనుకునే సందర్భాలు రాకుండా ఉండాలని - ఎప్పుడూ "ఇది నేనసలు ఎప్పటికీ చెయ్యను" అనుకునే అలవాటు లేని నేను - ఈ పాటని మాత్రం ఎందుకు కాదనుకోవాలి? పాట ఒకసారి పూర్తిగా వినేస్తే సరిపోదా?  

    అలా అనుకుని - ఇహ ఇలాక్కాదని - మాట్లాడుతున్న నా నోరు, వీడియో చూస్తున్న నా కళ్ళు - గా... ఠిగా మూసుకుని - ఆ పాట విన్నాను. 

    ప్యార్ సే కస్‌నే కో - బాహోం మే బస్‌నే కో, సాసోం కీ గర్‌మీ కో - హాథోం కీ నర్‌మీ కో అంటూ ప్రాస కోసం హిందీ కవి ఇందీవర్ పడిన ప్రయాస, తమిళ ఇళయరాజా వరసని పట్టుకోలేకో, పట్టుకోవాలనుకోకో లక్ష్మీకాంత్-ప్యారేలాల్ కట్టిన పై స్థాయి-వరస నాకు ముందు అస్సలు నచ్చలేదంటే నచ్చలేదు. 

    విన్న మొదటి సారి పాట నచ్చకపోయినా పదే పదే విన్నా. 

    పదోసారి, పదకొండోసారి, పన్నెండోసారి... పదిహేడో సారి - పాట మధ్యలో ఓ పదిహేడు సెకన్ల పాటు (1:50 - 2:07) మబ్బులు దొర్లినట్టు మోగిన గిటార్ "టున్ టున్ టున్ - టున్ టుటున్ టున్ టుటున్ టున్ టుటున్లు" విన్నాను. 

    విన్న వెంటనే ఆ పాట నాకు నచ్చేసింది. ఇహ నేనెటు వెళ్తే అటు నాతో వచ్చేసింది. 

    విననని పట్టుపట్టిన నా చెట్ట పట్టి నాతో ఉండిపోయిన ఆ పాట ఇదిగో ఇక్కడ: Neele Neele Ambar Par - Male Version Lyric Video - Kalaakaar|Sridevi|Kishore Kumar - YouTube    

    

నీలే నీలే అంబర్ పర్ - చాంద్ జబ్ ఆయే

ప్యార్ బర్‌సాయే - హమ్ కో తర్‌సాయే

ఐసా కోఈ సాథీ హో...  ఐసా కోఈ  ప్రేమీ హో... 

ప్యాస్ దిల్ కీ బుఝా జాయే!

నీలే నీలే అంబర్ పర్ - చాంద్ జబ్ ఆయే

ప్యార్ బర్‌సాయే - హమ్ కో తర్‌సాయే

ఐసా కోఈ సాథీ హో...  ఐసా కోఈ  ప్రేమీ హో... 

ప్యాస్ దిల్ కీ బుఝా జాయే!

ఓ... ఊంఛే ఊంఛే పర్‌వత్ - జబ్ ఛూమ్‌తే హై అంబర్ కో

ప్యాసా ప్యాసా అంబర్ - జబ్ ఛూమ్‌తా హై సాగర్ కో

ఊంఛే ఊంఛే పర్‌వత్ - జబ్ ఛూమ్‌తే హై అంబర్ కో

ప్యాసా ప్యాసా అంబర్ - జబ్ ఛూమ్‌తా హై సాగర్ కో

ప్యార్ సే కస్‌నే కో - బాహోం మే బస్‌నే కో

దిల్ మేరా లల్‌చాయే - కోఈ తో ఆ జాయే

ఐసా కోఈ సాథీ హో...  ఐసా కోఈ  ప్రేమీ హో... 

ప్యాస్ దిల్ కీ బుఝా జాయే!

నీలే నీలే అంబర్ పర్ - చాంద్ జబ్ ఆయే

ప్యార్ బర్‌సాయే - హమ్ కో తర్‌సాయే

ఓ... ఠండే ఠండే ఝోంకే - జబ్ బాలోం కో సెహ్‌లాయే

తప్‌తీ  తప్‌తీ కిర్‌నే - జబ్ గాలోం కో ఛూ జాయే

ఠండే ఠండే ఝోంకే - జబ్ బాలోం కో సెహ్‌లాయే

తప్‌తీ  తప్‌తీ కిర్‌నే - జబ్ గాలోం కో ఛూ జాయే

సాసోం కీ గర్‌మీ కో - హాథోం కీ నర్‌మీ కో

మేరా మన్ తర్‌సాయే - కోఈ తో ఛూ జాయే

ఐసా కోఈ సాథీ హో...  ఐసా కోఈ  ప్రేమీ హో... 

ప్యాస్ దిల్ కీ బుఝా జాయే!

నీలే నీలే అంబర్ పర్ - చాంద్ జబ్ ఆయే

ప్యార్ బర్‌సాయే - హమ్ కో తర్‌సాయే

హే...  ఛమ్-ఛమ్ కర్‌తా సావన్ - బూందోం కే బాన్ చలాయే

శత్‌రంగీ బర్‌సాతోం మే - జబ్ తన్ మన్ భీగా జాయే

ఛమ్-ఛమ్ కర్‌తా సావన్ - బూందోం కే బాన్ చలాయే

శత్‌రంగీ బర్‌సాతోం మే - జబ్ తన్ మన్ భీగా జాయే

ప్యార్ మే నహానే కో - డూబ్ హీ జానే కో

దిల్ మేరా తడ్‌పాయే - ఖ్వాబ్ జగా జాయే

ఐసా కోఈ సాథీ హో ఐసా కోఈ ప్రేమీ హో

ప్యాస్ దిల్ కీ బుఝా జాయే

నీలే నీలే అంబర్ పర్ - చాంద్ జబ్ ఆయే

ప్యార్ బర్‌సాయే - హమ్ కో తర్‌సాయే

లాల లలాల  లాల లలాల 

లాల లలాల  లాల లలాల 

*******

*******

    ఇంతకీ నాకు అంతగా నచ్చని ఆ హిందీ పాట విని నచ్చుకోవడానికి కారణం - ఆ హిందీ "కలాకార్" సినిమాకి తమిళ మూలం "పయనంగళ్ ముడివతిలై". 

    అందులో ఇసై-రాజా ఇళయరాజా సంగీతసారథ్యంలో దక్షిణభారత-సంగీతవినీలాకాశ-వెన్నెలబాలుడు మా సుబ్బయ్య - మెత్తటి మీగడ గొంతులో కొంటెనవ్వుని రంగరించి - మబ్బుల్లో బజ్జున్న నెలబాలుణ్ణి బుజ్జగిస్తున్నట్టు పాడిన "ఇళయ నిలా పొళిగిరదే..."

    ఈ పాట రాసింది తమిళకవివజ్రం - వైరముత్తు. పాటలో కనిపించిన - నాకు తెలిసిన నటీనటులు - మోహన్, పూర్ణిమా జయరాం (ఈమె బాపు "మంత్రిగారి వియ్యంకుడు"లో చిరంజీవికి జంట, నిజజీవితంలో భాగ్యరాజాకి ఇంటిపంట, వంటింటివంట). 

    నాకు తమిళ పాటలు తెలుగులో రాయాలంటే కొంచెం భయం - కానీ బోల్డంత ఇష్టం. అందుకే సాధ్యమైనంత వరకు అర్థం చేసుకుంటూ రాయడానికి ప్రయత్నిస్తున్నాను. తప్పులుంటే తర్వాత సరిచేస్తా. 

    నాకు అర్థం అయినంత వరకూ ఈ పాట ఎంత poetic గా అనిపించిందో!

    ఆకాశ వీధిలో మబ్బులన్నీ కలలు కంటూ ఊరేగింపుగా వెళ్తుంటే, ఆకాశం పండగ చేసుకుంటోందట. 

    వరుం వళియిల్ - పనిమళైయిల్ - పరువ నిలా దినం ధనైయుం - ముగిలెడుత్తు - ముగం తొడైత్తు - విడియుంవరై నడై పళగుం -  ఆ మధ్యలో వానచినుకుల జల్లులో తడిసిన బాలచంద్రుడు మబ్బు తునకతో మొహం తుడుచుకుంటూ, వేకువ దాకా తానూ ఆ వేడుకలో నడుస్తున్నాడట. 

    పరువమగళ్ ... విరిగళిలే...  కణవు వరుం - అది చూసి కన్నెపిల్ల కళ్ళలో కలలొస్తున్నాయట. 

       ముగిలినంగళ్ - అలైగిరదే - ముగవరిగళ్ తొలైందనవో - ముగవరిగళ్ - తవరియదాళ్ - అళుతిడుమో... అదు మళయో -  ఆకాశ వీధి ఊరేగింపులో అటూ  పరిగెడుతున్న మబ్బులు వాటి వాటి నెలవులు మరిచి ఏడుస్తుంటే అది వానగా కురుస్తోందట.  పాటంతా పాడేటప్పుడు మా సుబ్బయ్య గొంతులో నవ్వు నింపుకునే పాడినా, ఈ రెండు లైన్లు పాడేటప్పుడు మాత్రం - ఏడుస్తున్న మబ్బులని ఓ చిన్న బాలుడిలా వెక్కిరిస్తున్నట్టు - చిలకరించిన నవ్వు మాత్రం ఈ పాటకు అదనపు అందం. 

    విన్వెలియిల్ విదైథదు యార్ నవమణిగళ్ - ఇంతకీ ఆ ఆకాశంలో ఆ నవరత్నాల విత్తులు నాటిందెవరు?

    ఎంత అందమైన భాష? అంతకన్నా అందమైన భావం!

    ఈ పాటకి ఒక మంచి వీడియో కూడా ఇక్కడ చూడండి: Age is Just A Number. SPB at 35! - YouTube

    

ఇళయ నిలా ... పొళిగిరదే

ఇదయం వరై ... ననైగిరదే

ఉలా పోగుం మేగం ... కనా కాణుమే .... విళా కాణుమే... వానమే

ఇళయ నిలా ... పొళిగిరదే

ఇళయ నిలా ... పొళిగిరదే

ఇదయం వరై ... ననైగిరదే

ఉలా పోగుం మేగం ... కనా కాణుమే .... విళా కాణుమే... వానమే

ఇళయ నిలా ... పొళిగిరదే

ఇళయ నిలా పొళిగిరదే

ఇదయం వరై ననైగిరదే

వరుం వళియిల్ - పనిమళైయిల్ - పరువ నిలా దినం ధనైయుం

ముగిలెడుత్తు - ముగం తొడైత్తు - విడియుంవరై నడై పళగుం

వరుం వళియిల్ పనిమళైయిల్ పరువ నిలా దినం ధనైయుం

ముగిలెడుత్తు ముగం తొడైత్తు విడియుంవరై నడై పళగుం

వాన వీదియిల్...  మేఘ ఊర్వళం... కాణుమ్ పోదిలే ... ఆరుదళ్ తరుం

పరువమగళ్ ... విరిగళిలే...  కణవు వరుం

ఇళయ నిలా ... పొళిగిరదే

ఉలా పోగుం మేగం ... కనా కాణుమే .... విళా కాణుమే... వానమే

ఇళయ నిలా ... పొళిగిరదే

ముగిలినంగళ్ - అలైగిరదే - ముగవరిగళ్ తొలైందనవో

ముగవరిగళ్ - తవరియదాళ్ - అళుతిడుమో... అదు మళయో

ముగిలినంగళ్ - అలైగిరదే - ముగవరిగళ్ తొలైందనవో

ముగవరిగళ్ - తవరియదాళ్ - అళుతిడుమో... అదు మళయో

నీల వానిలే ... వెళ్ళి ఓ డైగళ్ - ఓడుగిండ్రదే -  ఎన్న జాడైగళ్

విన్వెలియిల్ విదైథదు యార్ నవమణిగళ్

ఇళయ నిలా ... పొళిగిరదే

ఇదయం వరై ... ననైగిరదే

ఉలా పోగుం మేగం...  కనా కాణుమే...  విళా కాణుమే వానమే

ఇళయ నిలా ... పొళిగిరదే

ఇదయం వరై ... ననైగిరదే

    

*******

*******

    నా తమిళ-హిందీ కవల పాటల కబుర్లు చదివిన మిత్రులొకరు "తెలుగు పాట కూడా ఉందండి అంటూ నాకు పాట-సాయం చేశారు. 

    తెలుగులో సినిమా పేరు - అమరగీతం. 

    ఇక పాట విషయానికొస్తే - అదే సీను, అదే మోహను, అదే ట్యూను. 

    వేటూరి సుందరరామమూర్తి గారు అత్యద్భుతంగా పెదవుల కదలికకి తగినట్లుగా భలే రాశారు ఈ డబ్బింగు పాట.  

    ఇంతకు ముందు తమిళ పాట గురించి రాసినప్పుడు ఒక విషయం చెప్పటం మర్చిపోయాను - అదేంటంటే ఈ పాట మొత్తం గిటార్ సంగీతం నిండి ఉంటే ఒక్క చోట మాత్రం - పది సెకన్ల పాటు పిల్లనగ్రోవి చల్లగా వినిపిస్తుంది. అదెక్కడంటే మొదటి చరణం మొదలయ్యే ముందు. 

    ఈ తెలుగు పాటలో ఇంకో విశేషం ఏంటంటే "పరుగిడకూ..." అన్న పదం పాడేటప్పుడు ఎస్పీ అచ్చు తమిళ పాటలో "పొళిగిరదే..." అన్నప్పుడు ఎంత విరుపుతో,  ఇంకెంత vigour తో పాడాడో అంతే విరుపుతో "ఫ ఋ గి డ కూ..." అన్నట్టు భలే భలే పాడాడు. 

    తెలుగు పాటకి యూ ట్యూబ్ లింక్ ఇక్కడ:  https://www.youtube.com/watch?v=dFFEO52NNCc

నెలరాజా! పరుగిడకూ ...  

చెలి వేచే నాకొరకు...  

ఒక్కమారు పోయి... చెలిని గాంచుమా!

నివేదించుమా... విరహమే!

నెలరాజా! పరుగిడకూ ...   

చెలి వేచే నాకొరకు...  

ఒక్కమారు పోయి...  చెలిని గాంచుమా! 

నివేదించుమా... విరహమే!

నెలరాజా! పరుగిడకూ ...  

చెలి వేచే నాకొరకు... 

మబ్బులలో - తళుకుమనే - మెరుపేలే చెలి అందం 

ముచ్చటగా - ముత్యంలా - మెరిసిపడే సఖి పరువం  

మబ్బులలో - తళుకుమనే - మెరుపేలే చెలి అందం 

ముచ్చటగా - ముత్యంలా - మెరిసిపడే సఖి పరువం

వాడిపోనిదీ - వనిత యవ్వనం 

ఆడిపాడితే - కనుల నందనం 

అణువణువు -  విరిసేలే -  లావణ్యం 

నెలరాజా! పరుగిడకూ ...  

ఒక్కమారు పోయి.. చెలిని గాంచుమా!

నివేదించుమా... విరహమే!

నెలరాజా! పరుగిడకు... 

ముంగిటనే - రాచిలుకా - పలికేనూ స్వాగతము 

మురిపెంగా - తమ రాకా - నా చెలితో తెలిపేనూ 

ముంగిటనే - రాచిలుకా - పలికేనూ స్వాగతము 

మురిపెంగా - తమ రాకా - నా చెలితో తెలిపేనూ 

కొండవాగులా...  మల్లెతీగెలా 

పులకరించినా.. సన్నజాజిలా 

విరహిణిలా.. వేచేను - జవరాలే 

నెలరాజా! పరుగిడకూ ...  

చెలి వేచే నాకొరకు...  

ఒక్కమారు పోయి.. చెలిని గాంచుమా 

నివేదించుమా... విరహమే!

నెలరాజా! పరుగిడకూ ...  

*********

*********

ఇంత మంచి తమిళ పాటని, దాని కవల హిందీ పాటని నాకు  పరిచయం చేసిన మా గిటార్-రాజు గిరిరాజ్‌కి బోల్డన్ని  ధన్యవాదాలతో .... 

ఆ పైన తెలుగు పాట-సాయం చేసిన బ్లాగ్మిత్రులకు ఇంకా బోల్డన్ని ధన్యవాదాలతో... 

~ పాటల భైరవి